အမေသို့ လွမ်းချင်း

အမေဆို တာလူတိုင်းမှာရှိကြပါတယ်။ အမေ့ကို လူတိုင်းကလည်းချစ်ကြမှာပါ ဒီလိုပဲ အမေတိုင်းကလည်း သားသမီးတွေကို ရင်နှင့် အမျှချစ် ကြတယ်ဆိုတာ ယုံမှားသံသယ ဖြစ်စရာမလိုပါဘူးရှင်။ ကျမရဲ့ အမေဟာလည်း ကျမကို အငယ်ဆုံးဆိုပြီး ပိုချစ်ပိုအလိုလိုက်ပါတယ်။ အခုလို ကျမအဝေးတနေရာကို ရောက်နေတော့ အမေ က ကျမကို အရမ်း တမ်းတ လွမ်းနေမှာဆိုတာ အသေအခြာပါပဲ။ ကျမလည်း အမေ့ကို အရမ်းလွမ်း လှပါပြီရှင်။

အမေ့ ကို မတွေ့ရတာ လေး နှစ်ရှိပြီလေ။ ကျမငယ်ငယ် လေးကတည်း ကအမေက ကျမလိုချင်တာမှန် သမျှကို အတက်နိုင်ဆုံး လုပ်ဆောင်ပေးခဲ့တာပါ။ ဒါပေမဲ့ ကျမကတော့
အမေ လိုချင်တာကို လုပ်ဆောင် မပေးနိုင်ခဲ့ပါဘူး။ ကျမဒီကိုမလာခင် အမေက ၂ နှစ်
တစ်ခါပြန် ခဲ့ဖို့ ပြောခဲ့ပါတယ်။ ဒါပေမဲ့ ကျမလုပ်ဆောင်မပေးနိုင် ခဲ့ပါဘူး။
အခုချိန်မှာ ကျမ အမေ့ဆီပြန်ဖို့ ကြိုးစားနေပါတယ် အမေက တော့ ကျမကို ဘာကြောင့်မပြန် လာနိုင်တယ်ဆို တာကို ကျမဘာမှမပြော ခင်ကတည်းက နားလည် ခွင့်လွတ် ပေးခဲ့ပါတယ်။

ကျမရဲ့ အမေက အညာသူပါပဲရှင်.. အမေကဘယ်တော့မှ အခြယ်အသ မရှိခဲ့ပါဘူး။
ကျမ ၁၀ တန်း အောင်တဲ့နှစ်ကပဲ အမေသနပ်ခါး လိမ်းတာကိုမြင် ခဲ့ဘူးတယ်။
အဲဒီလိုနေခဲ့ တဲ့အမေ ဒီ လေး နှစ်အတောအတွင်း မှာလည်း ဘာမှမပြင်မဆင် ပဲ
ကျမကိုမျှော် နေမှာပဲ....................
အမေ ဆီ ကိုဖုန်းဆက်တိုင်း ကျမ ကို ဘယ်တော့အလည်ပြန်လာမှာလဲ လို့လည်း ခဏ ခဏ မေးတတ်ပါတယ်။ အမေရယ် အမေ့ပေါ် တာဝန်မ ကျေခဲ့သမီးကိုခွင့်လွတ်ပါနော်။ ကျမလည်း ဒီနှစ်တော့ အမေ့ဆီကိုပြန်ဖို့ ပြင်ဆင်ပြီးပါပြီ။ အမေ့ကို ကျမပြန်လာခဲ့မယ် လို့ ပြော တုန်းကအမေ့ရဲ့ အသံက ကလေးတစ်ယောက် လို ပျော်ရွှင်နေတယ်လေ။ ကျမလည်း ဒီလိုပါပဲ အမေ့ကို တွေ့ရတော့ မယ်ဆို တော့တွေး တွေးပြီး ပျော်နေတာလေ................။

အခုဆို ကျမအမေက (07/10/09) မှာ အသက် (၆၁) နှစ် ပြည့်ပါပြီ။ အရင်တုန်းက အမေ့မွေးနေ့တိုင်း တတ်နိုင်တဲ့ ကောင်းမှူ့လေးတွေ ပြူလုပ်ကြပါတယ်။ အခု ကျမတို့ မောင်နှမတွေက တနေရာဆီဆို တော့ အမေ့မွေးနေ့ကို မကျင်းပ နိုင်ကြတော့ပါဘူး။ အမေ ဒီအချိန်ဆို အမေဘာတွေလုပ်နေမလဲ ကျမပြန်လာရင်စားဖို့ကျမကြိုက်တဲ့ အစာအစာတွေကိုချက် ကျွေးဖို့တွေးပြီးပျော်နေမယ်ထင်တယ်။ ကျမလည်း အမေ့ကို လွမ်းလှပါပြီ။
အမေ့ဆီ ပြန်ရမဲ့ရက်ကို အမြန်ဆုံးရောက်ပါစေလို့ဆုတောင်းနေပါတယ်။
ပြီးတော့ အမေ့ကျေးဇူးကို ပြန်ဆပ်နိုင်တဲ့ သမီး ဖြစ်ပါရစေလို့လည်း ကျမနေ့တိုင်းဆုတောင်းနေပါတယ်....................။

(07/10/09) တွင်ကျရောက်သောအမေ့မွေးနေ့အမှတ်တရ။

ခင်မင်စွာဖြင့်
အညာမှ
ခရေညို